]]>
خواطر :
يا فؤادي ، لما هددتني بالهجر و لم يبقى لي سواك في الأنس...كيف حال المضجع في غياب الرفيق المبجلُ...   (بلقسام حمدان العربي الإدريسي) . 

توته .. توته

بواسطة: مدحت الزناري  |  بتاريخ: 2012-04-09 ، الوقت: 11:08:14
  • تقييم المقالة:

(توته.. توته)
ـــــــــــــــــــ
يا ناس يا هوه.. يا خلق هوه
أدي العرييس.. بيظبطوه
بيلمعوه.. ويدلعوه
فوق الكتاف حيدلدلوه
إياك تعايب..وتقول ده شايب
بكره أكيد راح تعرفوه

النصب بان يا أم سلمان
... دول كدابين يا أم اسماعين
ولا عزبة هيه لدقن خان
ولا نمس ناصب ميت كمين
يا رب.. خلص ع الجبان
قوي الغلابة المقهورين
صحي المغفل من زمان
تبقى العقول متنورين

قسم يا كابتن ع الكرامة
ودق لي طقمين شهامة
طالع من القمحة بسلامته
ولمحته نازل م الغمامة
يا عم ياللي قولت لي
إنك حاميها
مع كل بلوة تنط لي
تبقى أنت فيها
راضع موافقة للأوامر
للتحية والتمام
أكبر عمود ف العزبة
قام بيه النظام
قال أيه بيحمي ..؟؟
برضون سامحني
لما لمحني ..
بأديه دبحني
بقى فيه حرامي
يحمي الشريف
أبو سمعه درتي
يكون نضيف

الخِطه قُطه
تتمسح ف الرجل حبه
وحبه حبه
تنط تبدأ ف المشاغبه
وخمسه سته
الناس تهاتي.. وتخاف ليلاتي
يبقى الآلاتي سرق الساعاتي
والزيطة تكتر
والشعب يسكر
أبو رزمه كيّس والكل فلّس
والكدب صنعه فالمخ هيّس
لو جابوا فاسد حتقول كويس

و بكده يبقى انتصرنا
وانقهرنا والسلام
هكذا للقصة شفنا
أحلى حبكة في الختام

وتوته.. توته
دوّرنا دوره
من بعد ثوره
بقينا ..عوره
البدله كاكي
والحلوة سمره
لّم المشايخ
وسقاها خمره
والليله حنه
وبكره دخله
والليلة تحلا

بعدين حيخلا
ويقول مراتي...
ما كانتش ثورة؟
ــــــــــــــــــــــــ
مدحت الزناري
8/4/2012


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق