]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

قديه عملت معك منيح و قديه عملت معى عاطل .....

بواسطة: Akram Omar Abu Almeza  |  بتاريخ: 2012-04-04 ، الوقت: 16:29:39
  • تقييم المقالة:

كان من زمان ضابط بالجيش , بيلبس هالبدله العسكرية و راكب فرسه وعلى كتفه سلاحه. وكانت وظيفته جمع أموال الضرائب من القرى و توريدها للخزينة, وكان مجتهد و مخلص في عمله,و كان بيدور عالقرى زيارة لكل قرية مره بكل شهر.... وبيوم من الأيام كان واحد حرامي سرسرى داشر قال لأصحابه - اللي مش اقل منه حقارة - أنا راح اسرق هالضابط و أخد منه المصارى.
قالو لو أصحابه أنت مجنون؟ هادا عسكري مدرب و معه سلاحه عكتفه! ضحك هالنذل وقال لهم اى بدي اخد مصاريه و سلاحه إذا مش عاجبكم ......
وطلب منهم يحطو عوجهه شوية لبن و يربطوا ايديه و رجليه ويرموه عجنب الطريق اللي بيمر منها الضابط ..............
ولما قرب العسكري راكب فرسه, صار الحرامى يتأوه آه آه بصوت خافت .. وقف الخيال ونزل من على الفرس وجاب قربة الماء و صار يمسح الذباب والتراب من على وجه الحرامى و يسقيه وسأله مين اللي عمل فيك هيك ؟ رد هالكذاب قال انا تاجر كنت بأبيع بضاعتى بالقريه و طلعو عليَ سراقين قشطونى المصاري و اخدو منى حصاني و كتفونى زي ما انت شايف.
هون حزن عليه الضابط و فك رباط ايديه و رجليه و قال له تعال اوصلك بطريقي , قال الحرامى انت معك فرس واحد واحنا اثنين , قال الضابط انت بتركب الفرس لانك تعبان و انا بامشى,فقال الحرامى بس انا رجلى بتوجعنى من لما ربطونى الحراميه بتقدر تحملنى و تركبني عالفرس؟ فحمله الضابط و حطه عالفرس و مشى شويه... فقال الحرامى و هوه حاطط ايديه بيتحسس جناب الفرس و بيسأل شو هاد اللى معك اكل؟ بطاطا و بصل و خيار ؟ قال الضابط ههه هاى مصارى و دهب و فضه جمعتها من القريه ضرائب و لازم اسلمها للخزينه.
قال الحرامي شو !!!!! انت ما بتخاف من قطاعين الطرق يعملو معاك زى ما عملو معى ؟؟ ضحك الضابط و قال انا ضابط بالجيش و معى سلاحى ما شايفه؟! قال الحرامى اها هات سلاحك احملك ياه انت ماشى وانا راكب عالفرس و هينا صرنا اصحاب انت بتوثق فيَ ما هيك؟؟ فاعطاه الضابط السلاح ومسك لجام الحصان بدو يكمل مشى.
ههههههه هيوتك وقعت يا ضابط باشا قال الحرامي شو رأيك اعطيك الرصاصه بين عينيك او بتهرب وبتسلم بعمرك؟ الضابط قال اخ هاد اللى ما عملت حسابه, صحتين عليك الفرس و السلاح والمصارى بس بدى اترجاك ما تحكى هاللى صار لحد. قال الحرامى هه شو خجلان؟! يقولو عنك جبان خاف على عمره؟ قاللو الضابط لا والله ما هى جوبنه بس
ما بدى حدا يعرف قديه عملت معك منيح و قديه عملت معى عاطل فيقل الخير بين الناس . .......................................................{بعض من كتاباتي}

https://www.facebook.com/groups/372850019413701/387003071331729/?notif_t=like#!/groups/372850019413701/
 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق