]]>
خواطر :
متعجرفة ، ساكنة جزيرة الأوهام ... حطت بها منذ زمان قافلة آتية من مدينة الظلام...الكائنة على أطرف جزر الخيال...   (بلقسام حمدان العربي الإدريسي) . 

أوعى لجيبك لا العيب عيبك

بواسطة: مدحت الزناري  |  بتاريخ: 2012-04-03 ، الوقت: 05:02:28
  • تقييم المقالة:

(أوعى لجيبك)
ـــــــــــــــــــــ
أصحى لنفسك.. وأوعى لجيبك.. لا العيب عيبك
لحسن دخلوا علينا الهنكر.. والجدعان
أدي حلنجي.. وادي لومنجي.. ماتبقاش هندي
وصحصح فوّق.. ياللي بتخرج م الميدان
ضربوا البومبه.. وحطوا الزومبه.. سلقوا كرومبه
حنقعد نحشي وناكل محشي ف بتنجان

أدي دستورهم زي قبورهم
عتمه وضلمه وخنقه كمان
وادي مجلسهم.. الله حارسهم
زيطه.. وعيطه وعَض ودان
وادي قوانينهم يا مقننهم
يا اختي عليها جنان ف جنان
أقبض واصرف يا للي مفلس
أَربَع واشبع ياللي جعان

جوه زبادي الشُربه بتلسع
جوه الحَلة ينام تعبان
واحد ياكل جمر مولع
ربطه بحبل تلات جدعان
فك قيوده وشال ف باروده
ونصب السيرك ف كل مكان
قسّم رسّم لبس مكسّم
حور زور في العنوان

حاسب لحسن فيه هنا عو
وأبو برهومه شَغل الجو
صايم .. فاطر تفضل شاطر
تظهر فجأة زي الضو
أما الشفشق لسه مشفشق
وبطيارته يطير ف الجو
وأبو جاموسه الننوسه
يطبخ كوسه وبتحلو
اما التعلب نايب عايب
وبيدحلب بسبس نو
أحلى نقاوة شغل حلاوة
كُل بقلاوة ما تبقاش بو
قرب قرب ياللي مغرب
زمن الهنكر والجدعان
اللي بيحمي بقى يدبحني
والمسجون هو السجان

أدي الصورة للسنيورة
وادي الشايب وأدي الواد
شقلب حاسب م العصفورة
تبقى أنت اخترت الجلاد
كابتن ثاير والنحروره
فكر الهنكر قَش وساد

أصحى وفوّق ياللي مروق مش حيحوق
نصبر تاني وشغل أغاني وخمسه حنان
حلق حلق وأوعى لجيبك لا العيب عيبك
وارجع تاني .. راح تلقاني.... ف الميدان.
ــــــــــــــــــــــــــــــــــــــــــــــــــــــــــــ
مدحت الزناري
2/4/2012


« المقالة السابقة ... المقالة التالية »
  • عزف على وتر المستحيل | 2012-04-03
    أصحى وفوّق ياللي مروق مش حيحوق
    نصبر تاني وشغل أغاني وخمسه حنان
    حلق حلق وأوعى لجيبك لا العيب عيبك
    وارجع تاني .. راح تلقاني.... ف الميدان
  • أحمد الخالد | 2012-04-03
    أصحى وفوّق ياللي مروق مش حيحوق
    نصبر تاني وشغل أغاني وخمسه حنان
    حلق حلق وأوعى لجيبك لا العيب عيبك
    وارجع تاني .. راح تلقاني.... ف الميدان.
    ـ-----------------------------------------------  شاعر رائع دوما 
    أنا راجع الميدان ... ولو كان محله القلب !!

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق