]]>
خواطر :
سألت البهائم ذئبا دموعه تنهمرُ...ما أبكاك يا ذئب ، أهو العجز أم قلة الحال...في زمن كثرة الذئابُ واشتد فيه الازدحامُ...   (بلقسام حمدان العربي الإدريسي) . 

حكايات ف القلب

بواسطة: مدحت الزناري  |  بتاريخ: 2012-03-23 ، الوقت: 10:56:52
  • تقييم المقالة:

(حكايات)
ــــــــــــــ

ف القلب كام جمره

والحُب مش مسئول
باسقي الألم خمره
واملا العبارة حمول
وعشان أطول بُكره
حاتوضا بالمأمول
وامسك ف كام فكره

قبل الأسى ما يطول 

 

يا صُحبة الأشعار
فارد دراعاتي
وف كل ليل ونهار
تلمع مراياتي
وف كلمتي أنهار
بتخضّر الآتي
 حأكوي الألم بالنار
 وأكتب حكاياتي

مليان يا قلبي بالعيون
اللي بريئة واللي فاجرة
واللي نام الدمع فيها
ما يواسيها غير سُهادها
واللي غادرة واللي قادره
واللي سايقة الحُسن لعبه
واللي شايفة الحُب زادها
كل رمش وله حكاية
وكل حالة تقول ميعادها

- وانت مين يكتب عيونك
وأنت حالتك طال أمدها؟

- يا حببتي ماعدش يفرق
أننا نضحك ونفرح
المهم نقول حكاية
نسيب علامة..
ف كل مطرح.
ــــــــــــــــــــــــ
مدحت الزناري
23/3/2012

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق