]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

المستور

بواسطة: مدحت الزناري  |  بتاريخ: 2012-03-23 ، الوقت: 10:28:33
  • تقييم المقالة:

(المستور)
ـــــــــــــــ

يا اهل الكلام والعلام
والفكر... والإعلام
يا اللي ف راسكو عقول
وكلمكو بالمعقول
يا اخونا ايه القول
ف المسألة والسر
الحق ضايع ليه
ولا فيش حرامي يقِر
كل اللي فيكم عايق
دلونا يا أهل الحقايق
ولا عدت فاهم ف حاجة
 ودماغي مش فايق



كل الهدوم شقيت
وحفيت كتير وشقيت
وببيع ف عفش البيت
وانت البعيد ما تشوف
يا ابو الكلام موزون
ما تقولش تلفزيون
يا مجوّع الغلبان
ومشبع المسجون



يا ابقى انتوا كده باينين
واحنا كمان راسيين
 واقفين طابور بنزين
وانتو لكو الملايين
بتكتفوا الأحرار
وتحرروا المساجين
وتقفشوا الثوار
وف كل حارة كمين
ومولعِنا بنار
بأبو سنجة وابو منشار
هو احنا قط وفار
تغزل برجل حمار
تلعب بمصر قمار

يا ابو ثورة بالمندار



ظابط ياباشا المسأله
بالمسطره والمنقله
والحاله حاله مقندله
متسطره.. وميله
متقدمه ..ومتأخره
متحركه ..ومتحوله
متمطعه ..ومقرفصه
متقطعه ..ومكمله



يا اللي بنيت السور
ومحبّك الدستور
ركبت معاك الناس
ف البرلمان حنتور
عمال ترص ف كراسي
وتقفل ف المرور
يا ألعبان الوطن
وحتى ريحتك عطن
بزيادة منها الأونطة
شيفينه جوه الشنطه
السر والمستور
أخلع يا فندي وغور.
ــــــــــــــــــــــــــــــ
ـــــ
مدحت الزناري
22/3/2012


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق