]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

تانيه تالت

بواسطة: مدحت الزناري  |  بتاريخ: 2012-03-23 ، الوقت: 10:09:36
  • تقييم المقالة:

(تانية تالت)
ــــــــــــــــــ
- لكل شيئ طرفين
وعندهم تالت
واحنا كشعب وجيش
وهم شيء تالت
واما السباع تتحبس
تبقى الكلاب بالت -

اسندي ظهرك يا ثورة
... وبالراحة ..
عِدي الخطاوي
والنبي
لحسن يا حلوة تسقطي
ده أنت يادوب تالت
الواد يقش
وهم مش عايزينه يجي
علشان يخش
الورث جيبهم وحدهم
فبلاش مناهده
وواحده واحده
وتاتا تاتا
بكره حيجي
سكر نباته
وادي البشارة
تاني وتالت
حيكون شطاره
ف تانيه تالت

أنا كنت عايز أسألك
من باب محبة وباب هيام
لما طلعتي بضحكتك وسط الزحام
ليه الدموع فوق الخدود سالت؟
أنا كنت عايز أحضنك
بس اتكسفت
وفضلت أداري ف المحبة
واتكشفت
أول ما دبت خطوتك جوه القلوب
خرجت وراكي الخلق في كل الدروب
وأنا كنت واحد منهم
وبرضه عاشق زيهم
واما عينك جت ف عيني اترشق سهم الغرام
وقلتي انك تعشقيني.. قلتهالي بدون كلام
وبجسارة مسكت ايدك والبشر عملولنا زفة
وأنت جنبي دق قلبي ورمش عيني رف رفة
دلوقتي بعد ما مر عام
ونبتت جواك زهرة حبنا
بانت عيون كل اللئام
أتثبتت
... علشان ماتقتل حلمنا
وإن كنت فاكره الكفه مالت
والميزان حيخيب
تبقى انت لسه ما تعرفيش
عند الحبيب
أنا لسه قادر أنتصر تاني وتالت
واحميك من غدر الكلاب
ناب الكلاب فالت
أنا عندي غنوة حب باقية
ولسه ما اتقالت

فخلي بالك والنبي
وبلاش مناهده
واحده وحده
وتاتا تاتا
بكره حيجي
سكر نباته
وادي البشارة
تاني وتالت
حيكون شطارة
ف تانية تالت
ــــــــــــــــــــــــ
مدحت الزناري
14/3/2012


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق