]]>
خواطر :
إذا سمعت عويل الذئاب...يعني ذلك ، إما في المصيدة تتألمُ أو في الغنائم تتخاصمُ...   (بلقسام حمدان العربي الإدريسي) . “كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . 

أنا

بواسطة: أحمد محمدي  |  بتاريخ: 2012-03-22 ، الوقت: 07:56:20
  • تقييم المقالة:

*مواطن مصري مسلم وعارف ومتأكد إن الترتيب دا ممكن يثير حفيظة الكثيرين عليا وممكن يصل الموضوع للمهاجمة كمان ولكني أصر عليه وأقوله مرة كمان مواطن مصري مسلم ، أبويا من القليوبية وأمي من المرج .

*ابتديت في الدراسة بتفوق كبير جدا وكنت مرجع للطلبة وتاني سنة يادوب نجحت الحمد لله وتالت سنة أديني بعيد فيها . *الناس شايفاني من زمان إني بعيش حالة حب ومعرفش ليه ماكنتش مصدقهم لحد ما جه اليوم اللي صدقتهم فيه وهي طلعت ما بتفكرش في الموضوع وآديني بعيد السنة تاني .

*بحب رقم ( 13 ) جدا جدا جدا وأعرب الأرقام معايا هو رقم ( 3 ) حصلتلي فيه حاجات كتير أوي حلوة وبرضوا حاجات كتير أوي مش حلوة والحمد لله علي كل حاجة .

*عندي هدف عاوز أحققه وأوصله بس في أوقات كتير أوي ما ببقاش عارف إيه هو !!! وبحب أكون علاقات إجتماعيه جديدة أفيد بيها الناس وأستفيد في نفس ذات الوقت  وعلي الرغم من كده بحب أبقي لوحدي أوقات كتير أوي .
*واحد من جيل الناس كانت شيفاه إنه تنك وما بيمشيش علي الأرض وأحد مؤسسي أسرة المهندس بكلية الزراعة جامعة عين شمس .

*مانزلتش التحرير ولا مرة في الـ ( 18 ) يوم بتوع الثورة ولما اتكلمت مع الحاج كان هايضربني وقرر حبسي في البيت بس بعد كده كنت بنزل من وراه .

*بحب مصر جدا وحتي كتبت فيها شعر " وإن كان في حبك الموت ... فليت أني أكون قتيلك ".

*أوفي صاحب عندي الكتاب لما أكون فرحان أحب أقعد معاه ولما أكون زعلان برضوا أحب أقعد معاه ونفس الكلام بعمله مع النيل بقف علي كوبري قصر النيل كده واتكلم مع النيل والناس بتتفتكرني مجنون .

*بحب أسمع منير جدا وكاظم وساعات عمرو دياب وأنغام عندي رقم واحد وكل الأغاني القديمة وطبعا علي رأسهم أم كلثوم وعبد الحليم وفيروز .

*أوقات كتير مابقعدش في البيت خالص ومابشفش حد غير ع السخان كده وأنا نازل أو وأنا باخد فلوس وسعات بقعد في البيت ومابخرجش خالص وأزهقهم مني ، ساعات بينادوني يا هندسة وساعات تانيه باسمي وساعات بينادوني بالمخفي .

*دي شوية معلومات ع الماشي كده ممكن تفيدك وإنت بتقرأ أي حاجة ليا وفي معلومات هاتعرفها في وقتها وبرضوا بداية لسلسلة مقالات جاية في السكة كده .


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق